I SERVIZIS FURNÎTS DES “OFICINIS ZOVINS”

Savê doprâ ben il so timp libar e cun sodisfazion al è un element impuartant de cualitât de vite, dal stâ ben individuâl e sociâl.
La costruzion de so personalitât e il sodisfâ lis esigjencis culturâls a passin ancje traviers lis ocasions di socializazion dai siei interès, in confront cun realtâts diversis, di fruizion cussiente dal timp libar.

Al è su la base di chest principi che il Comun di Udin al à determinât tes “Oficinis Zovins” il spazi par dâ une rispueste aes esigjencis dai zovins di espression de lôr sensibilitât creative, di condivision di moments dal timp libar, di elaborazion partecipade di progjets di protagonisim zovanîl.

Lis “Oficinis Zovins” si indrecin a ducj i zovins de citât di Udin o a chei che a vegnin a Udin par lavorâ, par studiâ o par altris interès .

Lis “Oficinis Zovins” a furnissin i servizis di:

Bancje di dâts G.A.I. (informazions sui concors, iscrizions, sostegn ai zovins artiscj, pussibilitâts di consultazion);
Navigazion Internet (cun 4 PC, di doprâ ancje pe videoscriture);
Rivistarie specializade di art, Internet e materiis sientifichis;
Biblioteche di catalics su lis esperiencis artistichis zovanîls plui resintis di diviersis citâts talianis.

Dal moment che il Comun di Udin al aderìs a la Associazion pal circuit G.A.I. (Giovani Artisti Italiani), i zovins tra i 18 e i 35 agns a àn la pussibilitât di partecipâ aes ativitâts promovudis de associazion.

logo gai L’archivi G.A.I. al cjape sù la documentazion des produzions artistichis dai zovins sot dai 35 agns tes diviersis dissiplinis artistichis (arts visivis, musiche, narative, teatri, …), cun chê di furnî ocasions di formazion e promozion ai zovins e di informâ i operadôrs dal setôr artistic sul stât de creativitât zovanîl.

Modul di iscrizion te bancje dâts dai G.A.I. (singui)
Modul di iscrizion te bancje dâts dai G.A.I. (grups)

Di là dal stât, lis “Oficinis” a fasin però ancje altris ativitâts fûr dal circuit pe citât stesse e pai siei zovins.

Dongje dai servizis indicâts parsore, dal 2002 lis “Oficinis Zovins” a àn zontât une gnove ufierte: une sale polivalente doprade tant che:

sale provis musicâls;
sale audiovisîfs.

La sale provis e va incuintri aes esigjencis pandudis di un grum di grups musicâi che di agns a domandin di vê un spazi cun strumentazions a bon presit. A son plui di 270 i grups musicâi che a rivin di dute la Provincie di Udin contâts e contatâts in chescj agns..

Regolament

La sale audiovisîfs e va incuintri a esigjencis di spazis cun strumentazion per obietifs di socializazion e confront su altris aspiets de creativitât dai zovins, di condivision dai moments formatîfs, di spazis dulà meti in pîts progjets culturâi (par esempli: sale par scoltâ musiche in grup, vision di filmâts creâts di zovins, …). La sale e devente cussì une risorse metude a disposizion dai zovins e des lôr ideis.

La preparazion di une sale polivalente e va incuintri aes esigjencis de Aministrazion Comunâl di:

meti sù e sburtâ l’associazionisim udinês e la formazion di grups ancje informâi cun progjetualitâts specifichis;
proviodi di un spazi cun strumentazions e “protet” che cumò la citât no lu à, soredut in riferiment aes gjenerazions zovinis;
svicinâ i zovins creatîfs, e no dome, in maniere gnove, plui atente al aspiet preventîf, natîf te relazion (ancje di jutori personâl) cul operadôr.