Forumzovins

Cartolina Bando di idee

Partecipe al Forum Zovins,
partecipe aes elezions!

Il Forum Zovins e je une forme di partecipazion ae vite de de citât, pensât par dâ vôs ae popolazion zovanîl di Udin. Si propon come strument di cognossince e di partecipazion dal mont zovanîl ae politiche dal Comun, come canâl di comunicazion tra i zovins e lis istituzions, metintsi tra il singul e la coletivitât.

Il progjet al nas tal Març dal 2005 cuant che la aministrazion comunâl e à decidût di sperimentâ cheste gnove forme di partecipazion dai zovins ae vite politiche, basantsi su doi principis fondamentâi:

viertidure aes agregazions informâls e ai singui;
superament des funzions consultivis par une plui grande co - progjetazion tes politichis zovanîls.

Il progjet al è nassût de intuizion che:

lis formis di protagonisim e di partecipazion istituzionâls e formâls fin cumò provadis, no permetin a frutats e zovins di assumi e sperimentâ a plen titul il rûl di citadins atîfs e responsabii, ricognossûts bogns di fâ sieltis autonomis;
di chi la necessitât di cognossi e valorizâ lis formis di agregazion spontanie, intindudis come modalitâts di impegn sociâl..

Il progjet si è inserît tal cuadri des Politichis Zovanîls dal Assessorât dal Comun di Udin, smovint lis aghis par promovi lis ocasions di partecipazion ative di frutats e zovins tai procès decisionâi che ju rivuardin, par compagnâju a cjapâ sù il sens di citadinance responsabile e di valorizazion des lôr risorsis e potenzialitâts.
Il cjapâ dentri frutats e zovins fasint part dal Forum al è stât metût in vore cuntun percors similâr a un laboratori di propuestis, spazi dulà confrontâsi, oltri che a strument di rilevazion des problematichis che a saltin fûr sul teme ”zovins e politichis zovanîls”.