Grups di lavôr e progjets
Progjets e iniziativis

PROGJET MELANCH'IO

PROGJET DI SENSIBILIZAZION ALIMENTÂR E DI EDUCAZION AL GUST
indreçât a lis Scuelis Maternis dai Comuns che a aderissin a la Rêt Regjonâl “Citâts Sanis” – FVJ

Intal an scolastic 2003/04 in dutis lis scuelis maternis de citât di Udin e dai comuns dulintor al è stât metût in vore il progjet di educazion alimentâr “Melanch’io”. Cheste iniziative e vûl promovi, tra lis fassis di etât plui zovinis, une educazion alimentâr corete e la acuisizion di stîi di vite sans.
Viodût il sucès de esperience a Udin, pal an scolastic 2004/05 si à tornât a proponi cheste iniziative a ducj i comuns che a aderissin ae Rêt Regionâl “Citâts Sanis” dal Friûl Vignesie Julie.
Cheste e je la liste dai comuns che a àn aderît: Bertiûl, Codroip, Çopule, Cormons, Feagne, Martignà, Mortean, Pasian di Pordenon, Pavie, Pradaman, Prissinins, Puçui, Tarvis, Tumieç.
Il progjet al è indreçât ai fruts des scuelis maternis (a la fasse di etât 4-6 agns) e al è gjestît sul teritori de associazion “Intramoenia”, cul aiût di esperts in tecnologjie alimentâr e specialiscj de comunicazion. L’obietîf principaâl al è chel di svicinâ e sensibilizâ i fruts a guscj sempliçs e naturâi, come chel dai miluçs, e di educâju, in maniere legre e divertente, a une alimentazion corete e a stîi di vite sans. Di fat il progjet al à previodût che si distribuìs intes scuelis un libri operatîf fat a schedis, scrit intes cinc lenghis che si fevelin te nestre regjon. Partint di chest libri a son stadis davueltis ativitâts cui fruts in classe.

Lis ideis di fonde di cheste iniziative a son:

Educâ al gust di piçui in sù. Si à lavorât massime su trê concets: il viodi, nulî e tocjâ aliments frescs e aliments trasformâts; il cerçâ e fâ la diference tra pomis; il parecjâ mangjativis in classe, come par esempli il yogurt, la aghe di pomis, la polpe, il passât e v.i.
Tirâ dentri i gjenitôrs;
Tirâ dentri i insegnants;
La culture de diference: diferencis di mangjativis, di pomis (a Udin si à doprât 8 cualitâts diferentis di miluçs) e di lenghis.

In sintonie cu lis direzions de O.M.S., si à chê di promovi la idee di une progjetazion partecipade che, propit par vie che e tire dentri gjenitôrs e insegnants, setôr public e privât, e permeti di “fâ rêt”, di lavorâ insiemi par fâ deventâ pardabon eficace la azion.

pdf Un piçul contribût a la educazion alimentâr dai fruts dal Friûl Vignesie Julie

< indaûr